كلام الناس!!

بسم الله الرحمن الرحيم
اللهم صل على محمد وعلى آله الطيبين الطاهرين





المشهد الاول :
بنت وحيده امها وابوها ... امها وابوها كبار في السن يحتاجون من يرعاهم ويهتم فيهم ... البنت بتتزوج .. اذا طلعت من بيت اهلها وسكنت مع زوجها قالوا الناس مافي قلبها رحمه تطلع وتخلي اهلها لوحدهم ... اذا سكن زوجها مع اهلها .. انتقدوا عليه الناس وقالوا داخل على طمع وكيف يقبل على نفسه يقعد مع اهل زوجته ... واذا سكنت البنت واهلها مع الرجال قالوا جت وجابت اهلها معها الرجال ناقصها ولا ناقص اهلها؟؟
شو الحل؟؟؟ تقعد البنت ما تتزوج احسن عشان كلام الناس؟؟؟


المشهد الثاني :
اخوين ساكنين في فيله الاخ الاكبر في الدور الاول والاصغر في الدور الثاني .. الاخ الاكبر عنده ولدين مزعجين الاصغر ما عنده اطفال وحالته الماديه سيئه والدور كبير عليه هو ومرته .. اذا اجر الدور بامكانه يستفيد ماديا ويتخلص من الازعاج اللي تحته ... لكن اذا اجر الدور بيقولون الناس ما يستحي ماجر الدور ومدخل في بيت اهله غريب
وشو يسوي في هالحاله؟؟ يسمع كلام الناس ويقعد على حاله الميؤوس منه ولا يطاوع عقله وياجر البيت؟؟


المشهد الثالث :
امرأه مقطوعه من شجرة .. لا ام ولا اب .. لا اخ ولا اخت ... لا شهاده ولا وظيفه ... عندها ست اولاد ومات ابوهم ... اذا تزوجت قالوا الناس ما عندها وفاء ما صدقت يموت زوجها وتزوجت ... واذا قعدت ما تزوجت ماتوا عيالها من الجوع
شوو الحل؟؟




المشهد الرابع :
جحا
اكيد كلكم تعرفون قصه جحا وولده والحمار بس معليش بقولها

مشى جحا وولده والحمار .. شافوهم الناس قالوا هالاغبياء معهم حمار ولا ركبوا عليه ... ركب الولد قالوا الناس شوفوا العاق راكب ومخلي ابوه يمشي ... ركب حجا ونزل الولد قالوا الناس شوفوا هالاب اللي ما يرحم راكب ومخلي ولده يمشي .. ركبوا الاثنين فوق الحمار ... قالوا هاللي ما يرحمون راكبين فوق الحمار مسكين ... في الاخير شال حجا وولده الحمار .... !!!!!!!!!



والمشاهد كثيرررره ..............

النتيجة

* الناس ما يسكتون
* .. رضا الناس غايه لا تدرك
* كلام الناس ما بيوكلش عيش ... يعني ما ينفع
* كلام الناس ما ياخر ولا يقدم
* اللي في راسك سووه ولا عليك من احد ... دام انه لا يخالف الدين
اكيد بتقولون ما جبتي شيء جديد


لكن

الســـــؤال :
مع علمك بالاشياء اللي فوق
هل تقدر تتجاهل كلام الناس ؟؟؟
هل تقدر تتخذ قراراتك ... من دون ما يكون لكلام الناس تاثير فيها؟؟؟؟
اذا وقعت في حيرة من كلام الناس ... شو الراي اللي بيمشي؟؟ كلام الناس ولا عقلك؟؟



م
خ
ط
و
ف